No marco do proxecto de centro deste curso, dedicado á agricultura, o alumnado de 6º de Educación Primaria elaborou os disfraces de disfraces de corvos e espantallos.
Ao longo de varias sesións, as nenas e os nenos deseñaron e confeccionaron os seus propios disfraces empregando diferentes materiais: teas, cartolinas, sacos... deixando voar a súa creatividade e traballando en equipo.
Para elaboralos puxeron en práctica distintas técnicas manuais: coseron algunhas pezas, empregaron a pistola de silicona para unir materiais e realizaron outras tarefas de recorte, pegado e decoración.
Uns transformáronse en corvos, representando as aves que adoitan achegarse aos cultivos, mentres que outros elaboraron divertidos espantallos, os grandes protagonistas das hortas e dos campos.
Aquí vos deixamos algunha imaxe do proceso de elaboración:
Comentarios
Publicar un comentario