OBRADOIROS DE COSMÉTICA CASEIRA
O alumnado de 5º e 6º de Educación Primaria participou nunha actividade internivel moi especial relacionada co proxecto de centro deste curso.
Quixemos aproveitar os beneficios que nos aporta a natureza e para iso elaboramos ungüentos e xabóns naturais.
Traballando en grupos e colaborando entre os dous niveis, o alumnado foi seguindo os distintos pasos da receita con moita atención: prepararon os ingredientes, mesturáronos e elaboraron a súa propia crema. Completaron a actividade realizando xabóns naturais empregando glicerina, aos que lles engadiron diferentes elementos para darlles aroma e cor.
Foi unha actividade moi enriquecedora e divertida, na que o alumnado gozou aprendendo e creando xunto aos seus compañeiros e
compañeiras.
Ungüento de romeu
Nesta ocasión, as nenas e os nenos elaboraron unha crema caseira empregando romeu seco, aceite de améndoa e cera de abellas.
Para extraer as propiedades do romeu primeiro infusionouse co aceite para finalmente mesturar ca cera de abella.
Ademais de aprender sobre o romeu e os seus beneficios, esta experiencia serviulles para desenvolver habilidades de cooperación, de investigación, seguir instrucións e experimentar de maneira práctica.
Xabón
Completaron a actividade realizando xabóns naturais empregando glicerina, aos que lles engadiron diferentes elementos para darlles aroma e cor. Nesta ocasión os aromas empregados foron canela en pó e raiadura de limón. Para darlle cor e vistosidade empregaron flores secas.
Comentarios
Publicar un comentario