E por fin chegou o momento de poñernos coas mans na terra para poñer a funcionar a nosa horta! E para iso contamos coa axunda de Carme, a avoa de Brais de 1º EP, que veu ao cole distintos días para aprendernos como preparar a terra para plantar, ademais de varias técnicas de cultivo moi interesantes.
Carme tamén nos obsequiou con sementes da súa propia horta para que ver se "ían para arriba" na horta do cole.
Plantamos pementos de Padrón ("uns pican e outros non"), tomates, leitugas de diferentes tipos...E ata cacahuetes! Agora so queda coidar o plantado con auga, sol e moito agarimo.
Moitísimas grazas avoa Carme por todo o aprendido!
Comentarios
Publicar un comentario